رجال العدل ... كل اللي في نفسي هقوله . شركة العدل جروب يا مخرجين ويازملائي الممثلين " بتاتا لا يتدخلون في عمل المخرج ولا يرشحون له أحد ولا يتدخلون في ترشيحات المخرج . إشتغل يا عزيزي المخرج وإنت مطمن إنك في شركه محترمه تؤتمن وتخاف الله ... تعددت مشاكلي مع العدل وبدأت بأن أسائت إليه إحدي المخرجات المنفذات وقالت للمنتج بذات نفسه من حوالي 18 سنه بأني أرتبط بأكثر من مسلسل في وقت واحد وبعمل تعطيل لجدول المشاهد وإن المرحومه دلال عبد العزيز بقالها 4ساعات متعطله والمخرج بيشد شعره وكانت دي بداية مشاكلي مع شركة العدل و المكالمه كانت قدام عيني بسبب حضوري متأخره من أوردر تاني ايام لما كنت بنحت في العديد من المسلسلات .. ومغ ذلك لم أضطهد وإشتغلت في العديد من أفلامهم ومسلسلاتهم دون إعتراض من أصحاب الشركه وعلي رأسهم الأستاذ جمال العدل والدكتور محمد العدل ... لفت الأيام تااااني والأستاذ مدحت العدل كتب هجوم عليه وأعتقد كلكم فاكرين في موضوع الأستاذ عبد الرحمن ابو زهره فاتجننت واتصلت بالأستاذ جمال وقتها ولم اهدأ بعدها أبدا المخ الصعيدي إشتغل و بحثت عن صفحة الأستاذ مدحت العدل وعليها مئات الألاف وهاجمته عليها هجوم شرس قد اللي عمله هو عليه مئات المرات .. إستعوضت ربنا في شغلي معاهم لما عرفت إن المخرج سامح عبد العزيز هيعمل معاهم مسلسل لأن سامح لا يستغني عني أبدا في مسلسل وبيحبني لوجه الله فقط ومع ذلك لقيت نفسي موجوده معاه ومع غيره من المخرجين اللي بيطلبوني في شركة العدل ومحدش منهم حطني بلاك لست زي اللي بيحصل في بعض الشركات الكبري أحيانا ... مايميز العدل فهي معروف عنها تقدير الممثل معني كمان وربنا شاهد وأقسم به دايما بيعطوني أجر اضعاف اللي باتقاضاه في جميع شركات الإنتاج علي مستوي مصر ومن غير فصال وعموما الفصال مش عيب ده شطارة وطبيعي جدا من مديري الإنتاج وإثبات ولائهم للشركات والحقيقه المعروفه عني فالأجر بالنسبه لي ليس معضله حتي لو إتعرض عليا أقل الأجور برضي وأقول ده رزق شغلتي عن حب مش تجاره .. نرجع لموضوع بعض الشركات لما بكون مزعلاهم بسبب بوست تعاطف مع الأخرين وكلمة حق . يقوموا إيه المخرجين و مديري الإنتاج اللي معاهم يريحوا دماغهم وما يطلبونيش ولا حتي يطرحوا إسمي من أساسه عشان ما يزعلوش أصحاب الشركه .. . أنا لا أنافق ولا رياء مني لأنى بشتغل خلاص وحتي لو ما كنتش بشتغل بعد ما كنت بلاك لست بسبب عدد 2 تصريح علي مدي حياتي كلها في ساعة صدق ربنا ومع النفس والأصدقاء .. علي فكره المقربين مني بس هما اللي عارفين إني غلبانه غلب الإبل علي المستوي الشخصي لكن مستوره ماديا لله الحمد .. كلامي المراد منه (ياريت كلنا نطبق نظرية التعايش رغم الإختلاف) .......ربنا يبارك في الرجال الشرفاء ودول كتير بس علي رأس الشرفاء ( العدل جروب ).
إرسال تعليق